ຫົວບົດສອບເສັງຈົບຊັ້ນມັດທະຍົມສືກສາຕອນປາຍ(ມ7)
ເອກະພາບທົ່ວປະເທດ
ສົກຮຽນ2010-2011
ວິຊາ: ພາສາລາວ-ວັນນະຄະດີ ເວລາ:90ນາທີ
I.
ພາກທິດສະດີ.
1. ຈົ່ງເລືອກຂຽນເອົາຄຳລຸ່ມນີ້ທີ່ຖືກຕ້ອງຕາມຫຼັກໄວຍາກອນລາວ.
ຂີ້ຝຸ່ນໄຫງ່-ຂີ້ຝຸ່ນໃຫງ່,
ປັບໄໝ-ປັບໃໝ, ສິ້ນໄໝ-ສິ້ນໃໝ, ໄຮ່ສາລີ-ໃຮ່ສາລີ, ຫົວງ່ຽງ-ງ່ຽງປາ,
ນາໄຮ່ໜື່ງ-ນາໃຮ່ໜື່ງ, ສະເນ່ຫາ-ສະເໜ່ຫາ, ໄຜ່ລາສະດອນບ-ໄພ່ລາສະດອນ,
ບ່າໄຫຼ່-ບ່າໄລ່, ບໍ່ແຮ່-ບໍ່ແຫ່
2. ລັກສະນະນາມແມ່ນຫັຍງ?
ມີຈັກປະເພດ?ປະເພດໃດແດ່?ເລືອກເອົາໝູ່ຄຳຕໍ່ໄປນີ້ໃສ່ແຕ່ລະປະເພດໃຫ້ຖືກຕ້ອງ:
ສາມະເນນສອງຕົນ, ສາດສິບຜືນ, ຄົນພວກໜື່ງ, ເຮືອນສາມຫຼັງ,
ພະພຸດທະຮູບເກົ້າອົງ, ຕຳຫຼວດສອງໝວດ, ແຫວນສີ່ວົງ, ເປັດນ້ອຍໜຶ່ງຝູງ,
ຜ້າຫົ່ມເຈັດຜືນ.
3. ພະຍາງເປັນ ແລະພະຍາງຕາຍ ມີລັກສະນະແນວໃດ?
ໃຫ້ເລືອກພະຍາງລຸ່ມນີ້ໃສ່ແຕ່ລັກສະນະ.
ຕາ, ປົວ, ກິນ, ຊຸມ, ໂຄງ, ຕັວະ, ແລະ, ກົບ,
ໝັດ, ເປີດ.
4. ການກຳເນີດ ແລະ ຂະຫຍາຍຕົວຂອງວັນນະຄະດີປັດຈຸບັນແບ່ງເປັນຈັກໄລຍະ?ໄລຍະໃດແດ່?
-
ບົດວັນນະຄະດີຕໍ່ໄປນີ້ແຕ່ງຂື້ນໃນໄລຍະໃດ?
ເລື່ອງ: ''ພະພຸດທະຮູບສັກສິດ'', ເລື່ອງ:
''ສີນ້ອຍ'', ເລື່ອງ: ''ກອງພັນທີສອງ'', ເລື່ອງ: ''ເສັ້ນທາງແຫ່ງຊີວິດ'',
ເພງ: ''ຕໍ່ຕ້ານ'', ບົດລະຄອນ: ''ບາບໄລ່ເວນທັນ'', ເພງ: ''ແດນແຫ່ງອິດສະຫຼະ'',
ເລື່ອງ: ''ລູກສາວຂອງພັກ'', ເລື່ອງ: ''ຜູ້ຍິງນໍຜູ້ຍິງ''.
5. ການປົກປັກຮັກສາວັນນະຄະດີມີຈັກວິທີ?ຄືວີທີໃດແດ່?
II.
ພາກແຕ່ງ.
ຈົ່ງອະທິບາຍແລະພິສູດ ຄຳກອນທີວ່າ:
''ນີ້ແຫຼະ ເພິ່ນວ່ານ້ຳ ເຕັມແຕ່ປູປາ
ເພິ່ນວ່ານາ
ເຕັມແຕ່ຮ່ວງເຂົ້າ
ພູເຂົາກ້ວາງ
ຈວງຈັນເປັນປ່າ
ຫີນສີລາຢູ່ນ້ຳ
ເປັນແກ້ວຄ່າແພງ''
(ຄັດຈາກ ກອນເມືອງລາວສວຍງາມ ແລະ
ຮັ່ງມີ ຂອງທ່ານພູມີ ວົງວິຈິດ)
ຄະນະກຳມະການອອກຫົວບົດສອບເສັງ